تضامن شعراء شبكة ميسان بني الحارث مع غزة الصمود و العزه




قصيدة الشاعر: محمد ساعد الحارثي

((صباح الخـير ياغـزة مساء الخـير كيف الحـال ))




مساء الدم

صباح الهم

مساء الجرح ياغزة

متى يلتم
:
:

على رآحـة يدي دمعة وفي قلبي جروح ثقال=تعبت آشيلها يارحـمة الله وين اودّيــها !


البّسها بقايا ثــوب طفلهـ دمعها شــلال=أجـردها من الظن والشكوك وكل مافيها


أوديها بعيد وتسبق الآهـ وتجـي تخــتال=تغطيني وعن كل البشر عجزآن اغطيها


صباح الخـير ياغـزة ومازال المطر هـمال=مسـاء الخـير ياعِّـزة عروبه كيف أناديها


أنا خايف نِسـانا يسألونا منهـو الرجـال=إجابة مؤلمة وش لون ننطقها ونخفيها


وبعد خـايف تحـاسبنا على غلطاتنا الأجـيال=وتذوب آعـذارنا بــ آفـواهنا نعجـز نلاقيها


نتوهـ ونلتقي بين الورق في مزبلة زبّال=وتـتـفتت حـضارتنا على أنقاض ماضيها


آنا خـايف يزيد الدم حتـى تسقط الأثقال=وتصير امة محمد كل ابوها سابحة فيها


غبانا في السياسة طيح الحملة على الجمال=وبلانا يـوم طاحت مالقت حـياً يعـزيها


شقانا في عقول محجرة تبكي على الآطلال=تشب النار بين ضلـوعنا يآآآمن يطـفيها


صباح الخير ياغزة مساء الخير كيف الحال=عسـى الله يرفـع الُغـمة وتتحـقق آمانيها


تعالي ياحـياة الروح ضمينـي مـع الأبطال=بقي عندي بقايا من غرور النفس برميها


تعالي لاتجـين وكيف غـزة ياهلي تنشـال=وانا عجزان اشيل الروح واسحقها واذريها


على غزة سلام ولا سلام بدون دم ومال=عسـى كل اليهود الي تجيها تندفن فيها

قصيدة الشاعر : فالح الشلوي الحارثي

((الصمت الذي لا يطاق ))

يا صدري اللي من (الأحداث)والوقت ضاق=والفكـر محـتار بالدنيا وباحـوالها
الصمت لو طال يا هل المعرفة ما يطاق= والعين حلو الكرى ما عاد يهنالها
يا كيف (دم العــروبة) بالسهـولة يـراق ؟=وش ذنب (غزة) تنوح وتقتل اطفالها ؟
يا عـــزتي للمســن وللنساء والمعـــا ق=وعوائل ورضع وحالات يرثالها
ذقنا (المـرارة) ولا به شـي حلــو المــذاق= وهمومنا من (القهر) و(الضيم) نشتالها
يا كم ضمير(ن) غيور يحس بالاحتراق =ويا كم عباد(ن) تجود وتنفق اموالها
الموقـف الواضح اللازم ماعنه انــدراق=و(ايمــاننا) ســلاحـنا والقــوم با فعـالها
عـدوان الإسلام فرصتها ازدياد الشقاق=وتدمر (شباب العرب) وتخيب امالها
يا مكثر (المرجفين) وما كثر أهل النفاق!=واحباط الأنفس لابد يزيد باذلالها
(حـنين) مــا تنسي فيــها عبر وانطــلاق =و(تاريخــنا)سجــل الأمجاد وابطالها
مهما جرى في(فلسطين)وحدث بـ(العراق)= مستقبل ونهضة (الامة) على اجيالها
(النــصـــر) بالـديـن والهمـة وبالاتفــاق=و(رايات الإسلام) مرفوعه وبرجالها
يا لله يا رافـع(ن) سبع(ن) شداد(ن) طباق= تعــز الإسلام واهــله حقــق آمـالها